யோகா உலக சாதனை நிகழ்த்தி கௌரவ டாக்டர் பட்டம் பெற்ற ஹனீஷ்குமார் மற்றும் தர்ஷன் ஆகியோருக்கு நகராட்சி ஆணையர் வாழ்த்து தெரிவித்தார்.

 யோகாசன விழிப்புணர்வு உலக சாதனைக்காக கௌரவ டாக்டர் பட்டம் பெற்ற உலக சாதனையாளர் டாக்டர் ராஜா ஹரிகோவிந்தன், டாக்டர் யமுனா ஹரிகோவிந்தன் தம்பதியரின் மகன்கள் ஹனீஷ்குமார் மற்றும் தர்ஷன் ஆகியோருக்கு திருவண்ணாமலை நகராட்சி ஆணையர் வாழ்த்து தெரிவித்து பாராட்டினார்.

திருவண்ணாமலை வடஆண்டாபட்டு பைபாஸ் சாலையில் உள்ள தீபமலை மருத்துவமனை மற்றும் தீபமலை ஆன்மிகத் தொண்டு இயக்கத்தின் தலைவரும், உலக சாதனையாளருமான டாக்டர் ராஜா ஹரிகோவிந்தன், டாக்டர் யமுனா ஹரிகோவிந்தன் தம்பதியரின் மகன்கள் ஹனீஷ்குமார், தர்ஷன் ஆகியோர் விழிப்புணர்வு யோகாசனம் செய்து உலக சாதனையாளர் சான்று பெற்றுள்ளனர். 

மேலும் அவர்கள் சிறுவயதில் சாதனை படைத்தற்காக கௌரவ டாக்டர் பட்டமும் பெற்றுள்ளனர். 

இதையொட்டி டாக்டர் ராஜா. ஹரிகோவிந்தன் ,டாக்டர் யமுனா ஹரிகோவிந்தன் மற்றும் அவர்களது மகன்கள் ஹனீஷ் குமார் மற்றும் தர்ஷன் ஆகியோர் திருவண்ணாமலை நகராட்சி ஆணையர் பார்த்தசாரதி அவர்களை மரியாதை நிமித்தமாக சந்தித்து ஹனீஷ்குமார் மற்றும் தர்ஷன் ஆகியோர் நிகழ்த்திய சாதனைகளை தெரிவித்து வாழ்த்து பெற்றனர். 

அவர்கள் மென்மேலும் சாதனை படைக்க நகராட்சி ஆணையர் ஊக்கம் அளித்து வாழ்த்து தெரிவித்து பாராட்டினார்.

அவர்களுடன் திருவண்ணாமலையில் மரக்கன்று வளர்த்தல், மாணவர்களுக்கு முகக் கவசம் வழங்குதல் உள்ளிட்ட பல சமூக சேவைகளில் ஈடுபட்டு வரும் ஸ்ரீ ஜெயம் தொண்டு நிறுவனத்தின் தலைவர் மோகன்ராஜு உள்ளிட்டோர் மரியாதை நிமித்தமாக திருவண்ணாமலை நகராட்சி ஆணையர் பார்த்தசாரதி அவர்களை சந்தித்து வாழ்த்து பெற்றனர்.