1971ல் இந்தியா பாகிஸ்தான் போர் வெற்றி பொன் விழா கொண்டாட்டம், முன்னாள் ராணுவ வீரர்கள் தீர்மானம்.

விஜய் திவஸ் பொன்விழா ஆண்டு சிறப்பாக கொண்டாட முன்னாள் ராணுவ வீரர்கள் தீர்மானம்.

ஆரணி அடுத்த கண்ணமங்கலம் முன்னாள் ராணுவ வீரர்கள் நல சங்க அலுவலகத்தில் முன்னாள் ராணுவ வீரர்கள் ஆலோசனை கூட்டம் நடைபெற்றது.

கூட்டத்திற்கு சங்க ஆலோசகர் சகாதேவன் தலைமை தாங்கினார். சங்க துணை தலைவர் ராஜேந்திரன், நிர்வாகிகள் சந்திரன், கே.ரவி, கொங்கராம்பட்டு ஊராட்சி தலைவர் நாராயணன் ஆகியோர் முன்னிலை வகித்தனர்.செயலாளர் ரவி வரவேற்றார்.

இக்கூட்டத்தில் சங்க தலைவர் கேப்டன் லோகநாதன் பேசியதாவது:- பங்களாதேஷ் உருவாக காராணமாயிருந்த 1971ம் ஆண்டு இந்தியா பாகிஸ்தான் போரில் இந்தியா மிகப்பெரிய வெற்றியை பெற்றது. அந்த போரில் 94ஆயிரம் பாகிஸ்தான் வீரர்கள் இந்தியாவிடம் சரணடைந்தது இன்று வரை சரித்திர சாதனையாக போற்றப்படுகிறது.

இந்த வெற்றி வருடந்தோறும் விஜய் திவஸ் என கொண்டாடபட்டு வருகிறது. இந்நிலையில் இந்த ஆண்டு பொன்விழா ஆண்டு என்பதால் சிறப்பாக கொண்டாட நம் சங்கத்தில் தீர்மானம் நிறைவேற்றப்பட்டுள்ளது. இதன்படி போரில் பங்கேற்ற வீரர்கள், வீரமரணமடைந்த வீரர்கள், விதவைகள் உள்ளிட்டோருக்கு சிறப்பு மரியாதை செய்யவும், மாவட்ட ஆட்சியரை சிறப்பு அழைப்பாளராக அழைக்கவும் முடிவு செய்யப்பட்டுள்ளது. எனவே 1971ல் போரில் பங்குபெற்ற முன்னாள் ராணுவ வீரர்கள், விதவைகள் நம் அலுவலகத்தில் பெயரை பதிவு செய்து கொள்ளவும், அனைவரும் கலந்து கொண்டு விழாவை சிறப்பிக்க வேண்டும் எனவும், கேட்டுக்கொள்கிறோம்.

மேலும், கண்ணமங்கலத்தை சுற்றியுள்ள கிராமங்களில் 4ஆயிரத்திற்கும் மேற்பட்ட முன்னாள், இந்நாள் ராணுவ வீரர்கள் உள்ளனர். அவர்களின் நலனுக்காக கண்ணமங்கலத்தில், ராணுவ மருத்துவ கிளினிக், சிஎஸ்டி கேண்டீன், வேலூர், திருவண்ணாமலை மாவட்ட கூடுதல் நலச்சங்க அலுவலகம் உள்ளிட்டவை கேட்டு மனு அளிக்கப்பட்டுள்ளது என்று தெரிவித்தார்.

முடிவில் துணைத்தலைவர் ராஜேந்திரன் நன்றி கூறினார்.

Comments

திருமண அமைப்பாளர்கள் நலவாரியம் அமைக்க வலியுறுத்தி மாவட்ட ஆட்சியரிடம் கோரிக்கை மனு

திருவண்ணாமலை மாவட்ட ஆட்சியர் அலுவலகத்தில் தமிழ்நாடு பாரதிய திருமண அமைப்பாளர்கள் நலச்சங்க நிறுவனத் தலைவர் செங்கம் ராஜா தலைமையில் தமிழ் மாநில‌ BMS உடன்‌ இணைக்கப்பட்டுள்ள தமிழ்நாடு பாரதிய திருமண அமைப்பாளர்கள் நலச் சங்கத்தின் சார்பாக திரளான சங்க நிர்வாகிகள் மாவட்ட ஆட்சியர் அலுவலகத்தில் கோரிக்கை மனு அளித்தனர். அந்தக் கோரிக்கை மனுவில் கூறப்பட்டுள்ளதாவது, தமிழகத்தில் உள்ள இரண்டு இலட்சம் ‌ திருமண அழைப்பாளர்கள் தொழிலை தமிழக அரசின் தொழிலாளர் நலத்துறையில் அமைப்புச் சாரா தொழிலாளர்களாக சேர்க்க‌ வேண்டி‌ தமிழக முதல்வருக்கு பரிந்துரை செய்ய மாவட்ட ஆட்சியர் வழியாக கோரிக்கை மனு வழங்கப்பட்டது. சமூக பாதுகாப்பு, இலவச பஸ் பாஸ் உள்ளிட்ட கோரிக்கைகள் அடங்கிய மனுவினை 70 ஆண்டுகால தொழிற்சங்கமான மத்திய அரசால் அங்கீகரிக்கப்பட்ட ‌BMS‌ ல்‌ இணைக்கப்பட்டுள்ள தமிழ்நாடு பாரதிய திருமண அமைப்பாளர்கள் நலச் சங்கம் சார்பில் இதுபோன்று தமிழகம் முழுவதும் உள்ள அனைத்து மாவட்ட ஆட்சியர் வழியாக கோரிக்கை மனு அளிக்கப்படுகிறது. திருவண்ணாமலை மாவட்ட ஆட்சியர் அலுவலகத்தில் சங்க நிறுவனத் தலைவர் செங்கம் ராஜா தலைமையில், மாநிலத்...

எம்.எல்.ஏ உத்தரவிட்ட பிறகும் உள்ளூர் திமுக பிரமுகர்களின் தூண்டுதலால் பாதை வசதி ஏற்படுத்தி தராத அதிகாரிகளால் 2 கிலோமீட்டர் சுற்றி செல்லும் அவலம், பாதையை திறக்காவிட்டால் போராட்டம் நடத்துவோம் என கிராம மக்கள் எச்சரிக்கை

திருவண்ணாமலை மாவட்டம், தண்டராம்பட்டு வட்டம், வாழவச்சனூர் கிராமம் காளியம்மன் கோயில் தெருவில் 50க்கும் மேற்பட்ட குடும்பங்கள் வசித்து வருகின்றனர். கள்ளக்குறிச்சி திருவண்ணாமலை நெடுஞ்சாலையை 4 வழிச்சாலையாக அமைத்து வரும் நிலையில் ஆக்கிரமிப்பு அகற்றப்பட்டு அங்கிருந்த வீடுகள் அகற்றப்பட்டு தற்போது சாலை ஏற்படுத்தப்பட்டு வருகிறது. தற்போது காளியம்மன் கோவில் தெரு 50 குடும்பத்தினை சேர்ந்தவர்களும் பொது பாதை ஏற்படுத்தி தரக்கோரி செங்கம் சட்டமன்ற உறுப்பினர் மு.பெ.கிரி நேரில் வந்து பார்வையிட்டு பொதுபாதை அமைத்து தர தாசில்தார், கிராம நிர்வாக அலுவலர் உள்ளிட்ட அதிகாரிகளிடம் உத்தரவிட்டு சென்றார். இருப்பினும் உள்ளூரில் உள்ள திமுக பிரமுகரின் தூண்டுதலால் ஒருவர் அந்தப் பாதையை ஆக்கிரமிப்பு செய்து தகர சீட் போட்டு அடைத்து மூடிவிட்டார். இதனால் காளியம்மன் கோவில் தெரு ஐம்பது குடும்பங்களைச் சேர்ந்த பொதுமக்கள் பொது வழியில்லாமல் இரண்டு கிலோமீட்டர் சுற்றி தான் தங்கள் சொந்த வீடுகளுக்கு செல்ல வேண்டிய கட்டாயம் ஏற்பட்டுள்ளது. அதுமட்டுமில்லாமல் பெண்கள், குழந்தைகள், வயது முதிர்ந்தோர் தங்கள் வீடுகளுக்கு செல்வதற்க...

34 ஆண்டுகளுக்குப் பிறகு முன்னாள் மாணவர்கள் மீண்டும் ஒன்றிணைந்த சுவாரஸ்ய நிகழ்ச்சி

திருவண்ணாமலை வி.டி.எஸ் ஜெயின் மேல்நிலைப் பள்ளியில் (1986 - 1991) ஆம் ஆண்டு பயின்ற முன்னாள் மாணவர்கள் 34 ஆண்டுகளுக்குப் பிறகு மீண்டும் ஒன்றிணையும் நிகழ்ச்சி பள்ளி வளாகத்தில் பழைய நினைவுகளை திரும்பிப் பார்க்கும் அற்புத நிகழ்வாக சிறப்பான முறையில் நடைபெற்றது. தாங்கள் பயின்றபோது பாடம் எடுத்த இருபால் ஆசிரியர்களை நிகழ்ச்சியில் சிறப்பான வரவேற்பு அளித்து கௌரவித்தனர். நிகழ்ச்சியில் கலந்து கொண்ட ஆசிரியர்கள் தாங்கள் பயிற்றுவித்த மாணவர்கள் பல்வேறு துறைகளில் சாதனை படைத்து வருவதை பெருமிதத்துடன் தங்கள் வாழ்த்துரையில் குறிப்பிட்டு பேசினர். இந்த நிகழ்ச்சியில் முன்னாள் மாணவர்கள் தங்களின் பழைய நினைவுகளை நினைவு கூர்ந்து தங்கள் மனதில் அலைமோதும் எண்ணங்களை வெளிப்படுத்தி புகைப்படம் எடுத்து மகிழ்ச்சி அடைந்தனர். செயற்குழு உறுப்பினர்கள் ரேகா, கற்பகம், சிவக்குமார், சுரேஷ், சலீம், கார்த்தி, கண்ணன், முத்து உள்ளிட்டோர் நிகழ்ச்சி ஏற்பாடுகளை சிறப்பான முறையில் செய்திருந்தனர்.

OreDesam

Search This Blog